Нийгмийн хариуцлага

НИЙГМИЙН ХАРИУЦЛАГА 

Манай компани нь нийгмийн хариуцлагын бодлогын хүрээнд дараах ажил төслүүдийг хэрэгжүүлэн ажиллаж байна. Үүнд:  

ЖИЛ БҮР МОНГОЛЫН СОНСГОЛГҮЙ ИРГЭДИЙН ҮНДЭСНИЙ ХОЛБООТОЙ ХАМТРАН АЖИЛЛАДАГ 

•  Жил бүрийн Эх Үрсийн баяраар Монголын сонсголгүй иргэдийн үндэсний холбоотой хамтран сонсголгүй иргэдийн хүүхдүүд болон, сонсголгүй хүүхдүүдэд зориулан өдөрлөг зохион байгуулж дуу, бүжиг, зураг гэх мэт тэмцээн уралдааныг зохион байгуулж бэлэг гардуулдаг.  Энэ жилийн хувьд уламжлалын дагуу тус холбоотой хамтран сонсголгүй хүүхдүүдэд хүүхдийн баярын бэлэг бэлдэж Үндэсний Цэцэрлэгт Хүрээлэнд хүүхдүүддээ бэлгээ гардуулан өгч, тэдний инээд баясал, талархлаар дүүрэн өнгөрөөлөө./2023/                                                                                                                                                                                                                                                                                                

“ТЭРБУМ МОД” ХӨТӨЛБӨРИЙН ХҮРЭЭНД МОД ТАРИВ.

Практикал Даатгал ХХК дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх, экологийн тэнцвэрт байдлыг хангах, ирээдүй хойч үеийнхээ амьдрах орчныг таатай байлгах нэн тэргүүний үүргээ биелүүлж “Тэрбум мод” үндэсний хөдөлгөөнд нэгдлээ.

Бид жил бүрийн мод тарих өдрөөр хамт олноороо мод тарьдаг тогтсон уламжлалтай бөгөөд энэ жил ч мөн адил уламжлалаа даган мод тарив . /2023/

БОЛОВСРОЛЫН ТОМЬЁО 2022” АРГА ХЭМЖЭЭ 

• Монголын боловсролын салбарт зүтгэж яваа байгууллага, хувь хүмүүсийг нэгтгэх, залуучуудад дараагийн боломжийг нь ойлгож, мэдүүлэх зорилготой “Боловсролын томьёо 2022” арга хэмжээнд нэгдэж 10,000 залуусд бугуйвч өгөв./2022/ 

ТОГТВОРТОЙ ХӨГЖЛИЙН ЗОРИЛГО” НЭЭЛТТЭЙ ӨДӨРЛӨГ 

• Тогтвортой хөгжлийн 17 зорилгыг сурталчлан таниулах, хэрэгжилтэд олон нийтийн оролцоог нэмэгдүүлэх зорилго бүхий “Тогтвортой хөгжлийн зорилго” нээлттэй өдөрлөгт оролцов./2022/ 

УЛСЫН ТӨВ НЭГДҮГЭЭР ТӨВ ЭМНЭЛЭГТ 10 ШИРХЭГ ТЭРГЭНЦЭРИЙГ ХАНДИВЛАВ

 

ИНВЕСКОР ПРОПЕРТИ ХХК-ТАЙ ХАМТРАН АЖИЛЛАВ 

• Нийгмийн хариуцлага болон Инвескор Проперти ХХК-тай хамтын ажиллагааны хүрээнд тусгай хэрэгцээт 20 гаруй хүүхдэд ХГОД-г үнэ төлбөргүй хийж, “Энх-Ирээдүй” брэнд бүтээгдэхүүний талаар зөвлөгөө мэдээлэл өгсөн./2022/ 

 

ХҮҮХДИЙН БАЯРЫН STREET FESTIVAL-Д ОРОЛЦОВ 

• Хүүхдийн баярын Street Festival-д оролцож, манай асарт зочилсон хүүхдүүдэд Хүүхдийн гэнэтийн ослын даатгал хийж өгсөн. /2022/ 

    

“ЭРСДЭЛГҮЙ ИРЭЭДҮЙ” САЙН ҮЙЛСИЙН АЯНЫГ ОРОН ДАЯАР ӨРНҮҮЛЭВ 

• Манай компани  “Эрсдэлгүй Ирээдүй” сайн үйлсийн аяныг орон даяар өрнүүлж уг аяныхаа хүрээнд орон нутгийн нийт салбарууддаа 15-30%-ийн онцгой хямдралыг зарласан билээ. Бид иргэдийн дунд “Эрсдэлгүй Ирээдүй” challenge зарласан бөгөөд хийлгэсэн даатгал бүрээс нь 100₮-ийг “Эрсдэлгүй Ирээдүй” хандивын санд хуримтлуулж уг хуримтлалаараа урлаг спортыг дэмжиах гэх мэт олон  ажлуудыг зохион байгуулдаг. /2022/ 

ХАЛДВАРТ ӨВЧИН СУДЛАЛЫН ҮНДЭСНИЙ ТӨВД ЭМНЭЛГИЙН ТОНОГ ТӨХӨӨРӨМЖИЙГ ХАНДИВЛАВ. 

•  Практикал Даатгал ХХК-ийн ажилтнууд нэгдэж нэг өдрийн цалингаа Улаан бурхан өвчинтэй тэмцэж буй бяцхан үрсэд хандивлалаа. Уг хандивын хүрээнд бид Улаан бурхан өвчинтэй хүүхдүүдэд нэн шаардлагатай байгаа эмнэлгийн тоног төхөөрөмжийг авч “Халдварт өвчин судлалын үндэсний төв”-ийн удирдлагуудад хүлээлгэн өгсөн юм. “Эрсдэлгүй ирээдүй” хандивын сангийн төсвөөс эм тариа худалдан авч ХӨСҮТ-д хандив өглөө. /2021/  

БУСАД АЖЛУУД

• Хүүхдийн баярыг тохиолдуулан  Нийслэлийн хүүхдийн сэргээн засах төвд хэвтэн эмчлүүлж буй хүүхдүүдийн дунд зургийн уралдаан зохион байгуулж, бэлэг өгөв. Мөн тус эмнэлэг дээр лайтбокс байршуулах ажлыг зохион байгуулав. /2022/
• Ид шидийн орон хүүхдийн төвтэй хамтран ажиллаж хүүхдүүдийг баярлуулах ажлыг зохион байгуулав./2022/ 

• Эх нялхсын эмнэлэгт, эмнэлгийн үзлэгийн 1 өрөөг бүрэн тохижуулж хүлээлгэн өгөв./2022/