Практикал Даатгал ХХК нь уул уурхайн салбарын оролцогчдын эрсдэлийг даатгах чадамж, давхар даатгалын хамгаалалтаа сайжруулах зорилгоор Үндэсний Давхар Даатгал ХК-тай уул уурхайн эрсдэлийг давхар даатгах гэрээ байгуулж байна. Энэхүү гэрээг “Үндэсний давхар даатгал” ХК-ийн Гүйцэтгэх захирал Г.Энхтайван болон “Практикал даатгал” ХХК-ийн Гүйцэтгэх захирал Э.Баярмагнай нар тус тус гарын үсэг зурж баталгаажууллаа.
Тус гэрээг байгуулснаар уул уурхайн салбарын компаниуд, тэдгээрийн туслан гүйцэтгэгч, ханган нийлүүлэгчид, тухайлбал Оюу Толгой ХХК-д ханган нийлүүлэлтийн үйлчилгээ үзүүлдэг байгууллагууд “Практикал даатгал” ХХК-иар эд хөрөнгө, тоног төхөөрөмж, машин механизм, хариуцлагаа даатгуулж бүхий л төрлийн эрсдэлүүдээс бүрэн хамгаалагдах боломжтой болж байна. Уг гэрээгээр Практикал Даатгал ХХК дотоодын зах зээлд уул уурхайн эрсдэлийг даатгах чадвараа нэмэгдүүлж байгаагаараа ач холбогдолтой болж байна.
Дараах төрлийн даатгалын бүтээгдэхүүнүүд энэхүү давхар даатгалын гэрээнд хамаарч байна. Үүнд:
“Практикал Даатгал” ХХК нь 2003 онд байгуулагдсан цагаасаа хойш харилцагчдынхаа хэрэгцээ шаардлагад нийцсэн даатгалын бүтээгдэхүүн, үйлчилгээг хүргэж ажиллаж байгаа ба тэр дундаа уул уурхай, үйлдвэрлэлийн салбарт мэргэшсэн, салбартаа тэргүүлэгч компаниудын нэг юм. Мөн бид MNS ISO 9001:2010 стандартыг санхүү даатгалын салбарт анхлан хэрэгжүүлэгч компани бөгөөд цаашлаад төв оффис болон орон нутгийн салбарууддаа ISO 9001:2015 хэрэгжүүлсэн анхны даатгалын компани болсон юм.
“Үндэсний давхар даатгал” ХК нь Монгол Улсын даатгалын зах зээлд үйл ажиллагаа явуулж байгаа цорын ганц үндэсний давхар даатгалын компани төдийгүй 2014 онд байгуулагдаж дотоодын зах зээлийн эрэлт хэрэгцээнд тулгуурлан олон улсын стандартад нийцсэн давхар даатгалын үйлчилгээг үзүүлж байна.
Тус компани нь А.М Бэст агентлагийн /A.M Best/ “AА-“ болон “А-“ үнэлгээтэй дэлхийн шилдэг компаниуд болох СКОР /SCOR/, Ханновер Ре /Hannover Re/, ЖИК Ре /GIC Re/ зэрэг компаниудад уул уурхайн эрсдэлээ давхар даатгуулсан юм.
